قصيده ارقص مع القمل

دونك الشوشه وفلي شعري اللي به خشونه
وان تصادفتي بقمله ! اسئليها عن قصيدي

شعري الصادق والاكذب حتى قملي يعشقونه
كل ما تبت الكتابه ينشدوني وش جديدي

مددي فخذك فديتك علهم لو يزهمونه
يسمعون احلى قصايد قلتها لعيون سيدي

لحنيه انتي وغني وابشري هم يرقصونه
هذي الليله غريبه والقمل ذولا عبيدي

نتفي شعر بعددهم حزميهم يا الحنونه
خلنا نقلبها مسرح والبطل قافي ونشيدي

ناوي يقلبها قصيده فيها شعره من جنونه
لا تناديني رومانسي والشعر مجنونه بيدي

ملت حروفي غرامي والعشق واجمل فنونه
ودي بحاجه جديده دمها يمشي بوريدي

ما يجيب الراس هذا شعركم يلتعبونه!
اعتزل اشرف من انه ينولد فيكم وليدي

ودي بنبضٍ يحرك ساكنك وانتي سكونه
يا المشاعر يا الغبيه يا الرديه يا الجليدي

قدسنا وراحت علينا ! والعراق اخذينه؟
وعضة الاصبع بعدهم يا كفوفي ما تفيدي

وثورنا الأبيض ذبيحه من رضى يعطي قرونه!
من تخلى عن رفيقه كيف يلقى له عضيدي!!!!!!

اكتبوا شي يغير النفوس اللي مصونه
بالتخاذل والتهاون والكراسي والرصيدي!

اكتبوا شيٍ يفجر طاقةٍ فينا مخزونه
وجهونا بالمشوره وجهة الراي السديدي

اكتبوا دام الكتابه هي سلاحٍ تملكونه
واذكروهم بالأسامي لا تخافون الحديدي

×××××××××××××××××××××
××××××××××××××××××××× ( رقابه من عندي اللي يبيه يراسلني على الخاص )

خبروهم يرحمونه.... يرحمونه.....يرحمونه
شعبهم حامي بلدهم من وجع فيهم شديدي

اسئلوهم وبصراحه وشهي قيمتهم بدونه
والوطن يبكي ويدمع لا غدى شعبه فقيدي

ليت واحدهم كلامه لا زعل شعبه " عيونه "
ابشروا شعبي بقايد ما يهاب وما يحيدي

ليت واحدهم قراره تبتعد عنه الرعونه!
ودنا بحاكم قراره يشبه العقد الفريدي

ما نبي القمل المفدى!! والشعر فيه الخشونه
ولا نبي كل القصايد مثلها مثلك قصيدي!!

اش سالفتك مع القمل

ههههههههههههههههههه

يسلمووووووووووووووو على الطرح