دمعي جرى البارح من الموق سكاب
والقلـب يالغالـي تزايـد عـذابـه
ضيق وكدر مع همْ للقلـب جلبـاب
والحزن فـي قلبـي منّـوخ ركابـه
أقفى السعد من يوم وادعت الأحباب
والهم في قلبـي نـزل والتـوا بـه
كني غريبٍ حـل فـي دار الأجنـاب
خلـوه ربعـه والأهـل والقـرابـه
ماله ونيس ولا رفيق ٍ ولا أصحـاب
ولا كمـا مقطـوع يرجـى سحابـه
ياويل حالي من هوى تلع الارقـاب
في قلبـي المزيـون راكـز حرابـه
هو في ترف عايش وأنا دوم منصاب
وعزاه من مثلـي يعانـي صوابـه
وش ذا الفعايل قلتله يا أبن الأجناب
يامـن قدركـم دوم عالـي جنابـه
قال بهوانا قبلكم كـم قـد انصـاب
ودرب الهوى كم عاشقٍ قـد غدابـه
حالي براه الزين والقلـب قـد ذاب
واعوي كما تعـوي جيـاع الذيابـه
يالله ياللـي للدعـاء دوم جــوّاب
تشفـي عليـلٍ موجعاتـه صوابـه
وترحم محبٍ عاش عمـره تعـذاب
ياواحدٍ ماخاب من هـو رجـاء بـه
ومن رحمتك يالله أنا طالبـك بـاب
وفرج همومـي والحـزن والكآبـه
الشاعر عامر بن عمرو
اخوكم ابو مشعل
موضوع: دمّـعي جـرى البـارح 
الأربعاء أغسطس 06, 2008 9:11 am
