شــبـكه اَل نـهـيــان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شــبـكه اَل نـهـيــان

اللهم اجمعنا في جنتك
 
الرئيسيةالبوابةأحدث الصورالتسجيلدخول

 

 احلى المواويل

اذهب الى الأسفل 
كاتب الموضوعرسالة
زائر
زائر




احلى المواويل Empty
مُساهمةموضوع: احلى المواويل   احلى المواويل Icon_minitimeالخميس أغسطس 28, 2008 12:12 pm

مواويل زهيرية للشاعر

عبدالرحمن سليمان الضويحي





النـاس في راحتـةٍ وانا في شقـا وامْـرارْ

والماي يصبح بريجـي به مَـرار وامْـرار

ما طيـج انا الـزاد به بعد الحـلاة امـرار

يا متلـف الـروح يلّـي ما بحالـي شَعَـرْ

شمتـان في بلـوتي من يوم غنّـى وشعـر

الراس صـابه صـداع وما بُقـى بهْ شَعَـرْ

يا أهـل الوفـا بس قولولـه يمـر امـرار






من عاب عابـوه فـي نسْبـه وفـي حسْبـه

العيـب في داخلك ياشيــن بـس حِسْ بـه

عيبـك عـدد شعـر راسـك عـدّده حِسْبـه

منتـه مـن اللـي غـدا للمـرجلـه كسَّـاب

أصـلـك رديٍّ ولا انـت بـالكـرم كسَّـاب

ومن يسمـع السب ويرضى هو ترى كسَّـاب

قالـو بالامثـال كـل حسبــه ولها حِسْبـه






قلبـي دعيتـة من الفرقــا كمــا منخـل

والكبـد ذابـت تقـول امطلّعَــهْ من خـل

ماكـو خليـلٍ مـرض الاّ جِفــا من خِـل

عذّبتنـي يـا مليــح الــزول و الوقفـه

يازيــن زولـك اذا هــو اقبـل او اقفـه

خُبـْري بـك العــام اذكـر ليلـة الوقفـه

واليـوم دارت سنـه وعقلـي غـدا مِنْخـل






لـه معـدنٍ كالذهـب زلات مـا ظـن لـه

يا زيـن مستقبلـة ويازيـن مـاضـنٍ لـه

واضح وضـوح العَلـَم لـو تِهْـتْ ماضِلّـه

كريم نفـس وبطـل وقـت الفعـل ماضـي

يأبى المهانـة جـزوع بحاضـر وماضـي

فعـل الرجـال افعلـة و بخطتـة ماضـي

أبصم بعشـري وغيـر العشـر ماضٍ لـه






عشـريـن عـامٍ اقـيّـد بالليـالي وَعِـدْ

يا عونـة الله تـرى وعد الحرايـر وَعـدْ

يا ما شـربنـا زلالٍ من شفـاكـم وعِـدْ

عشـريـن عام أتحـرّى قبْلتـك لي تهـل

مثـل الذي ظامـيٍ ينطـر مـزونٍ تهـل

انظـر نجوم السمـا ودمـوع عيني تهـل

واقـول يا يوم جيبـه لي سـريـعٍ وعَـدْ






زرْنـاك ويــومٍ للـزيـــاره عيــد

وشهالقطـاعه شَـرَدِّد يا زمـن شاعيــد

ان قلـت متكبّــرٍاقـول ما هـو بعيــد

وان قلـت شايـم بعـد يا حـول يـاقـوّه

مااقدرانـا اقـول يا بـالطّيــب يـاقـوّه

يكفينــي منّـك سـلام وكلمـتـك قـوّه

وما كل يـومٍ ترى هو للصبــايا عيــد






ادعَجْ غَنَـجْ غَضْ بَضْ امْقرْمـزات اشفـاه

زار المريـض ويضـن بـزيارتـه اشفـاه

مـايـدري انـه مُحـبْ وفي شفـاه إشفـاه

يا زاير اعرف تـرى كل امرضـه باسبـاب

هجر وجفا منك مع حاجـب مهو بَـسْ بـاب

واصبح سجيـن وغـدا كالمنْربـط بسبـاب

وَلَّـتْ حياتـه وراحـت فرحتـه وشفــاه






يحتـاس بالـي وفكـري لامن اسْمِـكْ وَرَدْ

واهيـم هـومات وبابـكْ رايـحٍ لـه وَرِدْ

مثـل الـذي يلعـب اللعبـات صَـدٍ وِرَدْ

عِقْـب الوفـا والوصل حطيت لي حاجِـبْ

عافت عـيوني الكرى ومن الاكل حاجـب

ياناس ما صـار عيـنٍ تِعـتِـلي حاجـب

فـن كِنْت انا مرْ فالحنضـل اصـوله وَرِدْ






انتـم ترهمـون لي وانـا لكـم مـرهـم

ارهـم مع اللي لجرحي بلسـم ومـرهـم

وأرهـم معَ اللي يْتشـرَّه ليش ما مُـرهـم

وأرهـم مع من فقـدنـا سـاعـةٍ مَـرنا

وأرهـم معَ اللي يشـارك حلـونا ومُـرنا

وأرهـم مع الابتسـامـه وكِلْمِتـه مـرنا

ولا منّي مـرّيت يعاتبنـي بَعَدْ مُـرْ هَـمْ






أهـل الوفـا وين غابـوا واختفـى ظلهـم

تمّيـت ادوّر نزلهـم بس ذكـر ظـل لهـم

بالامـس ما جد عنـاهـم واحــدٍ ظلهـم

مـن البعـد دوم بس تسمــع فناجيلهــم

أهـل الشهامات راحـوا وانفنـى جيلهــم

يا مـالك المـوت اطلبنـي فنا جـي لهـم

يطيـب لي قربهـم واسعـد بمـاضٍ لهـم






جـابـر ابو الكـل وهلالـك علينـا سعـد

جـابـر نحبك ونحـب اللي يحبـك سعـد

جـابـر طلبـت الولي لك كل سلام وسعـد

يا سَعْـد الايـام لا قـالـوا قُبَـل جابــر

يا سعـد جابـر ابونـا بدون احد جابــر

يا سِعْـد حالـي أنا كسري لقى جـابــر

وجـابر جبر كسرتي بالعون طير السّعــَد






كلنـا مزاييـن وانـا بينهــم كحلــه

كًحّلْ لـي الكـاس انا خرمانـةٍ كحلــه

لاتشوفنـي عقب كاس تقول ذيك احـلـى

الكـاس الاول يغيـر سُمْــرتي شقــرا

وتغور عيني ولا اعرف شَكْتِب او شَقْــرا

وانسى هلي ومنبتـي وْحْبَيْبِتـي شقــرا

دنيـا إتْـرَنـّق اراها صفـرتةٍ كحلــه






ضـاحي تشَـرّهت وما في الشره شي يبنـي

ضـاحي تعبـت بـربـاك وشـوف شيّبنـي

ضـاحي انـا معك شـي يهـدم وشي يبنـي

خلنـا نتفـاهم يا ضـاحي خـل يقـوم البنـا

الـوقـت مـا ينلحــق يالله تــرى ولبنـا

جــدّك لاجلنــا يعـاف إحْليْبتــَه ولْبِنـَه

مـا قـال ولّيـن إلهـالـدنيـا إشّيّـيبـنـي






أنصـاف الحلول مو كل حال فيها أنصـاف

والأثـلاث يا ذا الربـع ما تستوي أنصـاف

وما يطير طير إنّتف ما يطيـر الا إن صـاف

هيهـات مـا يجتمع حاضـر معـا ماضـي

مشعـاب في محزمك مـو خنجـرٍ ما ضـي

وسـمي مـا يلتفـت لا صـوّتـوا ما ضـي

وِرقيّـه مـا تلتفـت لا صـوّتـوا انصـاف
الرجوع الى أعلى الصفحة اذهب الى الأسفل
 
احلى المواويل
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
شــبـكه اَل نـهـيــان :: الفئة الأولى :: مـنتدى الـشعــر والموال-
انتقل الى: